|
24-06-2006
گرکا گلے کت کہ جعفر
خرے گپت!
(عرضےواجہ نوھانء خدمت)
ولید گربنی
چہ روچدراتکی بلوچستاں لھتے سیاستمدار آتک انت ھمشانی دل اڈیا دیوانے دارگ بوت،
آ ھم برکت یک
فعالیں بلوچیا کہ ھمشی برکتا زرمبش زندگ انت۔ دگہ یکےء برکتا گؤں سنا بلوچ شت
انت یک پارلیمنٹیرنے دیست اش مزنیںتیئپے پروشت زرمبشا !
مڑاداریں واجہ نوحاں بلوچ!
منی مقصد نہ انت کہ من زرمبشء پاشکا پاد بکناں، من بس شمئے (اگر تو ھم زرمبشا
ھورے) نزوری شمارا پیشداشت انت۔ او اگر شما ھمے فکرا ات کہ شما چہ ھرکسا دیما
ات گڑا مشکل پہ شما حل انت۔ بلے یک بلوچےء حیثیتا من چہ شمئے کاراں راضی نھاں۔
مروچی چہ شما حزب مردم گیشتر فعال انت۔ چہ شمے لیڈراں/ رھبریا دکتر دوشوکی
گیشتر بلوچستانء مشکلاں دگنیاء دیما ایر کنگا انت۔ ھنچؤکہ من؛ من الّماں بلوچ
راج ھم اے راستیا مارگا انت۔
شما کہ منی ڈولا شخصیت پرستیا رد زانگا ات، باید انت یک یا دو فردانی سرا
انخصار کنگا انگار بکن ات۔ او آ دگہ ممبراں ھم فعال بکن ات۔ وتی صلاحیت، سیاسی
مطالعہ و بلوجستانء جاورانی پٹ و پلا گیش بکن ات۔ بلوچستانء مردماں گوں در تماس
ببےات۔ اؤدا چے بیت شما را چہ ھر کسا پیسر حال برسیت۔ شما وتا شرّی سرا بچار
ات؛ چہ شما کہ سازمانے ات، محمود براھوی نژاد گیش انت۔ چہ شما زیگیں راڈیو
بلوچی گؤن دگنیا آ گیشتر در تماس انت۔ بقول معروف دکتر دوشوکیء گت بحیثیت یک
فرد گیشتر انت او بلوچ دشمن چہ آھی گیشتر ترسگا انت۔ شما ھیجبر دلگؤش گؤر کتگ
چیا؟
من گشاں شمئے عذر چی انت! شمارا مول پہ بلوچستانا کار! آ کارا تؤریں دگہ بکن
انت۔ منی واجھاں! ھرکس وتی ذمہ داریاں انجام دیگا انت۔ آھانی زحمتانی credit
ھماھان رسیت او بلوچستانء راجی جیئڑہ یک و دو کسانی تیوگیں ذمہ داری نہ انت۔
شما وتی وھد و مالا ھم چوشیں وھداں پہ بلوچستانا سک باز دوست مدارات او پیش
بدار ات کہ شما تھنکا دعوادار نھ ات بلکیں نرمیں بؤپ، سارتیں ساھگ و وشیں وابا
شما ھم پہ بلوچستانا ندر کنگا ات۔ تا آ مرد کہ بلوچستانء توکا پہ وتی حقّا خونء
ریئچگا اؤشتاتگ یا چکّی، براتی، کس و وارسی شھید بوتگ ترا وتی پانکجنانی ردا
بگندیت و بماریت۔
دانکے گوں واجہ ولید گربنی ءَ
|