حزب مردم بلوچستان Balochistan People’s Party بلوچستانءِ اُستمانءِ گــَل

01-07-2006

بلــوچ ســارکــن!

گيش چه ۸ ماه انت که پاکستانی رستران مۓ ماتين گلزمینءِ سرا ارش برتگ ءُ همے کمین وهدے تہا بازينے چه مۓ براتان وتی جان په ملک ءُ راجءَ ندرکتگءُ هزارانی هزار بلوچ دزگر ءُ بند کنگ بوتگ انت.

اے نابرابرین جنگے تباهی، مرچان کہ پاکستانءِ گدارين فوجءِ ساهگ هرجاگہءَ مانشانتگ، بيگی نه انت بلے همنکس گوشت کنين کہ سدانی هزاربلوچ تاوان باربوتگ انت ءُ اے کاروایی انگت هم دیما روان انت۔ هزارانی بلوچ چه مری ـ بگٹيءِ دمگان دران ڈیہ، بازین چکے یتیم ءُ بازين جنينے جنوزام بوتگ انتءُ وتی نان شوهازکنوکان چه دستءَ داتگ.

اے جنگ هچ بلوچےءَ په وتی ذاتی پائدگءَ چست نه کتگ. بلوچستان کساس ۶۰ سال انت کہ پنجابءِ لگتانی چيرا انت ءُ بلوچءِ زند ءُ جاور بدتربيان انت. بلوچانی جدءُ جهد په بلوچ راجءِ انسانی حکانی پچ گرگءَ ديما روان انتءُ بايد کہ چہ بلوچ ءُ بلوچستانءِ دوزواهان کمکءُ مدت ببيت.

همے رهبندءِ سرا، لهتے چه براتان که سويڈن ءُ ناروےءَ نندوک انت، گيش چه ۲ ماه انت کہ جاراش جتگ کہ پہ
جنگ جتگين بلوچان چيزے نہ چیزے کمک سرجم کن انتءُ راه دينت، بلے چوش کہ گندگ بیگا انت هچ کسءَ مورے گوشءِ پشتءَ نوارت. اے پرچے؟؟؟

گیشترین بلوچے کہ مرچان یوروپی ملکانءُ امريکاءَ جہ منند انت، سیاسی بوتگ انتءُ بلوچءِ دردءَ زاننت. اے کہ چیا وتی سدین کلداران چہ وتی راجءُ ملک ءَ گيشتر دوست دارنت، حيرانی گپے!!!

اميت انت کہ مۓ اے برات گیشترسران هوش کن انتءُ چہ اے ملکانی وسائلءُ امکاناتان پہ وتی لگتمالین راجءِ آجوئيءُ رکينگءَ بهربزورنت، نیکہ وتی کارپدءُ ملکءُ راجءَ پہ بیہ بہ شموشنت۔

ح. بلوچ ــ سویڈن