یکے هست ات و یکے نیست ات . یک مـَزنیں
سـرادے ءَ ، یک مـُرگدانے هست ات و کـَسانی
ں چیپلے همے مـُـرگدان ءَ هست ات .
یک روچے کسانیں چیپلک ءَ وتی گون ءَ گوئشت : من
نین مزن بیتگ اوں و بیت که هنون من وت چه
مـُرگدانی ءَ ڈن ءَ دَرکپاں و هر جاه ءَ په چـَـکـَّـر و تـَـرّ و
گـَرد ءَ به رواں و بچاراں . کسانیں چیپل ءَ رهادگ بیت
و شـُت تا که یک کـُٹی ئی دیست . چیپل ءَ سوج
کت : تو بارین چونیں چیپلے ئے ؟
کـُـٹی مائو مائو کناں پسو دات :من چیپلے نهاں ، من
یک کـُـٹی اے اوں . من پشـُـک ءِ چـُـکے اوں .
کسانیں چیپل ءَ سوج کت : تو کـُـٹی و پـِـشُک ءِ
چـُـکے ئے ؟ بلے تو سک مزن ئے !
کٹی گوئشت : چه من مـَستریں هم باز انت . زانگ
بیت که تو تا هنون کـُچـَـکانی گـُـلـُـڑان نه دیستگ
انت . کچکانی گلڑ و چکاں چه من مـَستر انت .
چیپل سوج کت : کچک چونیں ساهدار انت ؟
'
کٹی جواب دات :کچک گـَـپّ انت و سراد ءِ دپ ءَ
داشتگ اش و هر چیز ءِ نگهوان انت .
چیپل سرگپت و شت تا که سراد ءِ دپ ءَ رَست و
کچک ءِ گلڑ ئی دیست . دیما شَت و جُست ئی کت :
تو کچک ءِ گلڑے ئے ؟ تو سکّ مَزن ئے !
کچک ءِ گـُـلـُـڑ ءَ گـَپّـِت و ووّ-ووّ ی کت و پسوئی دات :
هـَو ! من کچک ءِ گلڑے اوں . تو پَس ءِ شِنِک و گـُـوَرَگ
ندیستگ انت که چه ما مَستر انت .
چیپل سوج کت : شِنِک و گـُـوَرَگ کجا انت ؟
کچک ءِ گلڑ گوئشت : واڑ ءَ بَند انت و مانترینتگ انتش .
چیپل تچان ءَ شت تا که واڑ ءَ سر بیت . واڑ ءِ دَروازگ
پَچ ات . گورگ و شنکاں کاه و گیدَهاں ورگ اتنت.
چیپل وهدے که آهان ءَ دیست هَیران بیت و گوئشت
ئی : بـَـوْ ! شما چونین مزنین ایت !
پدا شنک و گورگانی سوج کت :شما چه پَهکاں
مستر ات ؟
شنک گانژ ات و گورگ با-با کت و گوئشت اش نه !
گولو چه ما مستر انت . تو آئیا به گند ئے !
چیپلـُک سوج کت : گولو کو و کجا انت ؟
شنک و گورگ جواب دات : تـَمبـَه ءَ بَستـَـگ .
چیپل ءَ تچان ءَ تمبه ءَ شت و گولو ءَ چاراں بیت .
گولو که چیپل ءَ هیسک و هَنپان دیست که نَپَسُک
جنان انت جست ئی گپت : گـُـوَنڈو ترا چیزے پکار انت
؟
'
چیپل گوئشت : شما چه پهکاں مستر ات ! شما
مسترین ایت ؟
گولو کند ات و گوئشت ئی : چه من ءَ هم مستریں
هست .
چیپل پول کت : کے انت و کجا انت ؟
گولو گوئشت : اپس ءِ گوسک(؟) چه من هم مستر
انت و ڈگار ءَ چـَـرَگ انت و آئیا ابیل ءَ بند انت .
چیپل سک دمبُرتگ ات و ژند بیتگ ات . بلے دل ئی
باز لوٹـگ ات که اپس ءِ گوسک(؟) ءَ بگند ایت .
اِشتاپی ءَ ڈگار ءِ نیمگ ءَ شت . وهدے که اپس ءِ
گوسک(؟) ئی دیست هیران بیت و دپ ئی بند بیت .
اپس ءِ گوسک که ژندیں چیپل ءَ دیست جست ئی
کت : ترا چے بیتگ گونڈو ؟ ترا چیزے پکار انت ؟
چیپل پسودات : لوٹـت اوں که بزان اوں که مئی سراد
ءِ مستریں ساهدار ءِ بَچ کے انت ؟ شما چه پهکان
بُرزتر و مَستر ایت ! سک مزن ایت !
اپس ءِ گوسک شَد ات و گوئشت ئی : چه
ساهدارانی زهگاں ماں اے سراد ءَ مستریں من اوں .
منی هیال ءَ کستریں توئے ! هنچش انت ؟
چیپل ءَ آهے کش ات و گوئشت ئی : هَنچو جاه کیت !
چیپلک سک شدیگ و سک ژند بیتگ ات . مُرگدان ءِ
نزیک ءَ یک کسانیں کرم ئی دیست .لوٹـت ئی که
بگیپت و بوارت ئی .
تا که کِرم چیپل ءَ دیست گوئشت ئی : تو چونیں
مزنینے ئے !
چیپل پول کت : کے ؟ من ؟
کرم گوئشت : هـَو ! تو سک مزنینے ئے و په همیش
من چه تو تُرساں و تچاں و هما دمان ءَ هاگ ءَ چیر
بیت .
چیپل سک ژند و سک شدیگ بیتگ ات . بلے پدا هم
چه کرم ءِ هبر ءَ باز گـَل ات . پر چا که آئی زانتگ ات
که آ کستریں نه انت .
گوں وتی شُد و ژندی هم ، چیپل چه گـل ءَ بال و
تچان ات و لوٹت ئی که هرچی زوتر اپس ءِ گوسک
(؟) ءَ هال بدنت که آ (چیپل) کستریں نه انت .
چاپ کنيد
اين مطلب را برای يکی از دوستان خود ايميل کنيد