بلوچستان بلوچستان

بلوچستان ! بلوچستان مئے نام وننگ وبرزین شان
مئے ھڈو گوشتءِ گل پاکءَ سرشتگ اچ تئی حاک ءَ
توے مئے مات وسیرین لاپ بئے سبز و مدام شاداپ
تہ ھمے مال وھمےجان
بلوچستان ! بلوچستان
تئی ماھین جنک حورنت پہ لجءَ گران ومشھورنت
تئی بچ ننگ و نامانی مڑاداریں کلامانی
تئی آزاتی ءِ پانگ تئی ننگ ءِ دردانگ
کننت مال و سراں قربان
بلوچستان ! بلوچستان
ببے پائندگ وآباد گوں شان وشوکتءَھمپاد
بلوچ پرتئی سر وشانءَ نہ پھریزنت وتی جان ءَ
لڑیننت اچ تئی حدان نہ حق و وت گڑین سدان
توے مئے گورو زند ونان
بلوچستان ! بلوچستان
بچنڈیت بیر کت برزءَ سلیمان ءَ تں البرزءَ
چہ ھیلمندتں زرءَ سبزین بلوچ بول بنت شکر لبزین
تئی نام و نشاں دائم تئی سیم مں جہاں قائم
بمانیت،تں ابد بر کہشاں
بلوچستان ! بلوچستان

نوشکے 10 مارچ 1956