پدا گیئش کنگ بیتگ که درنجگ بیتگیں مردمانءِ نیاما یکـّے عبدالحمید ریگی إنت کہ جندا۔۔۔ ٹولیءِ سروک عبدالمالک ریگیءِ برات إنت۔ جنداللہ یک سنـّی ٹولییے إنت کہ إیرانءِ گشگءِ پدا ماں أفغانستان نشتگیں درملکیاں گوں ھمدست إنت ۔
ألبت 'إرنا' شنگ بیتگیں سرکاری حالا داتگ کہ سرکاری واکاں سئے شنبہءِ روچا ماں زاھدان بندیگجاھا 13 کس درتک أنت کہ ٹرورسٹ ٹولییےءِ باسک بیتگ أنت۔

درنجگ بیتگیں مردمانءِ نام إیرانی حالجاهاں چؤش شنگ کنگ بیتگ أنت:

1- منوچھر شہ بخش چکء أکبر
2- محمد حسن شاھوزھی چکء شئے محمد
3- عبدالرزاق رشیدی چکء حسن
4- یعقوب گمشادزھی چکء ألـّوک
5- عبدالباسط شیھکی چکء قائم
6- عبدالقیاس دیدن ناروئی چکء جمعہ خان
7- عبدالصبور رخشان چکء عبدالغفور
8- أسداللہ وفائی چکء جان محمد
9- عبدالخالق میر بلوچزھی چکء ھیبت
10 طارق آبادیان چکء دادمحمد
11- یحیا ریگی چکء عبدالواحد
12- خلیل ریگی چکء عبداللطیف
13- إدریس نوتیزهی چکء إبراهیم

حجت الاسلام إبراھیم حمیدی گشت کہ عبدالحمید ریگیءَ پاھو دیگءِ فیصلہ پہ لھتے روچاں مھتل کنگ بیتگ۔ یک دگہ بلوچے کہ ترس أت آ ھم درنجگ بہ بیت؛ عابد گھرامزھی أت، بلے پاھوا درنجگ بیتگیں مردمانءِ لڑا آئیءِ نام ھؤر نہ إنت۔

چدا پیسر سرکاری واکاں جار پرّینتگ أت کہ 14 کس سئےشنبہ -مرچی ماں شھرءِ دلگاھا مردمانءِ دیما پاھوا درنجگ إبنت۔ ألبت ھنچؤش کہ برزا داتگ، 13هیں کس ماں بندیگجاھا پاھو دیگ بیتگ أنت۔
Rights reserved by www.balochinews.com